नामाक्षर (रा री रू रे रो ता ती तू ते)
यस राशिको व्यक्ति अकारण क्रोध गर्ने, दुःखी, मधुरभाषी, दयालु, चञ्चल नेत्रवाला, अस्थिर धनवाल, घरमै पराक्रम देखाउने, व्यापारमा चतुर, देवपूजक, मित्रहरूप्रति दयालु, मित्रहरूको प्रिय र परदेशवासी हुन्छ । त्यसैगरी देव, ब्राह्मण र साधुहरूको सेवक, बुद्धिमान्, पवित्र आचरण गर्ने, सत्य आचरण गर्ने, अग्लो कदको, लामो नाकवाला, कमजोर र प्रायः अस्वस्थ शरीरको, यात्राप्रेमी, धनी, अङ्कहीन, क्रय–विक्रयमा कुशल, सामान्यतया दुई नामवाला र रोगी हुन्छ ।
त्यस्तै धार्मिक, चतुर, बुद्धिमान्, राजप्रिय, मिष्ठान्नप्रेमी, पितृसेवी, देवभक्त, गुरुभक्त, धनी, वाचाल, साहित्य र सङ्कीतप्रेमी, युद्धप्रेमी, कृपालु र सङ्कठनप्रेमी हुन्छ । यसलाई शिर, पेट र छालाको रोग हुन सम्भव छ ।
यस राशिवालालाई मिथुन, कन्या, मकर र कुम्भ राशिका व्यक्ति हितकर हुन्छन् । यस व्यक्तिलाई शुक्रबार शुभ हुन्छ । यस राशिको मालिक शुक्र भएकोले त्यसको रत्न हीरा, ओपल वा स्वेत–पुष्पराज लगाउनु शुभ हुन्छ ।
लालकिताबअनुसार
आफ्नो भागको केही भोजन पशु, पन्छी र गाईलाई ख्वाउनु, दैनिक गाईको शुद्ध गहुँत खानु, पशुपालन व्यवसाय गर्नु, नौनी, दही र आलु दान गर्नु, पत्नीसँग पुनः पाणीग्रहण गर्नु, मातापिताको आज्ञाले मात्र विवाह गर्नु, स्त्रीलाई सधैँ सम्मान गर्नु, धार्मिक स्थलमा गएर नतमस्तक हुनु र मद्यपान नगर्नु ।
