धनु राशी

नामाक्षर (ये यो भा भी भू ध फा ढा भे)
यस राशिको व्यक्ति शूरो, सत्य बुद्धिले युक्त, सात्विक, मानिसको ह्दयलाई आनन्दित पार्ने, शिल्पकला जान्ने, धनले युक्त, सुन्दर स्त्रीवाला, अभिमानी, चरित्रवान्, आकर्षक बोलीवचनको, तेजस्वी र केही मोटो शरीरको हुन्छ । त्यसैगरी ठूलो मुख र लामो गर्धनयुक्त, पैतृक सम्पत्ति पाउने, त्यागी, दानी, काव्यादि जान्ने, पराक्रमी, सदैव कर्मशील, प्रतिभाशाली, धार्मिक, आफ्नो बन्धुजनप्रति द्वेष गर्ने, शक्तिप्रदर्शनले नझुक्ने अथवा बल प्रयोगले वशमा पार्न नसकिने, प्रेमपूर्ण व्यवहारले नियन्त्रित हुने हुन्छ ।
त्यस्तै विद्वान्, राजमान्य, जनप्रिय, देवभक्त, सभामा व्याख्यान दिने, श्रेष्ठ, कुलदीपक, भाग्यवान्, निष्कपट, विनीत, शान्त स्वभावको, तपस्वी, अल्पभोजी, मितव्ययी, फूर्तिलो र भविष्यवक्ता हुन्छ ।
धनु राशिका ब्यक्तिलाई अनेक व्यवसायबाट लाभ होला तर नोकरीबाट भने त्यति उन्नति नहोला । बिहीवार क्रयविक्रय गर्नाले विशेष लाभ हुन्छ । यस राशिका लागि सोमबार अशुभ होला ।
यस राशिवालालाई मेष, कर्कट, सिंह र वृश्चिक राशिका व्यक्तिसँग मित्रता र वृष, मिथुन, कन्या र तुला राशिवाला व्यक्तिसँग वैरभाव होला । यस राशिको मालिक बृहस्पति भएकोले त्यसको रत्न पुष्पराज धारण गर्नु र बृहस्पतिको जप एवम् पूजा गर्नु राम्रो हुन्छ ।
लालकिताबअनुसार
पीताम्बरधारी सन्तबाट टाढै रहनु, कुनै आभूषण धारण गर्नु, धार्मिक स्थलमा घिउ, दही, आलु र कपूर दान दिनु, भिखारीलाई निराश नपठाउनु, गङ्काजल सेवन गर्नुका साथै गङ्काजलले स्नान पनि गर्नु, तीर्थयात्रा गर्नु, तीर्थयात्राका लागि अरुलाई मद्दत गर्नु, सधैँ सत्य बोल्नु र धार्मिकताको पालना पनि गर्नु, कुनै पनि कार्यारम्भ गर्नुअघि नाक सफा गर्नु, पहेलो रुमाल साथमै राख्नु, पिताको पलङ् र कपडा प्रयोग गर्नु, झुटो साक्षी नबस्नु, पीपलको सेवा गर्नु, कसैलाई नठग्नु, गुरु, साधु र पीपलको पूजा गर्नु, बिहीबार व्रत गर्नु, हरिवंश पुराण श्रवण गर्नु, पहेलो फूल फुल्ने बोटबिरुवा लगाउनु, ब्राह्मण साधु र कुलगुरुको सेवा गर्नु ।

मुख्य शिर्षकहरू
मुख्य पाेस्ट

सम्बन्धित पाेस्ट

वैदिक ज्योतिषमा बुध:जान्नुहाेस् सम्पूर्ण रहस्य ।

The Significance of Mars in Vedic Astrology: Unleashing the Warrior Planet’s Influence

वैदिक ज्याेतिषमा मंगल : उर्जा र साहसकाे खानी!

यस्ताे छ जनैकाे धार्मिक तथा वैज्ञानिक महत्त्व!-जनै पूर्णिमा विशेष

धनु राशी