श्री स्वस्थानीदेवी ध्यान

श्री स्वस्थानीदेवी ध्यान।
श्री गणेशाय नमः ।। श्री सरश्वत्यै नमः ।। श्री स्वस्थानी परमेश्वर्यै नमः ।।
ॐ यं व्रम्हावरूणेन्द्ररुद्रमरुतस्तुन्वन्ति दिव्यै स्तवै–
र्वेदै साङ्गपदक्रमोपनिषदैर्गायन्ति यं सामगाः ।
ध्यानावस्थिततद्गतेन मनसा पश्यन्ति यं योगिनो
यस्यान्तं न विदुः सुरासुरगणा देवाय तस्मै नमः ।।
श्रीमच्चन्दनचर्चितोज्वलवपुः शुक्लाम्बरामल्लिका
माला लंकृत कुण्डला प्रविलसन्मुक्ता वली शोभिता ।।
सर्वज्ञाननिदानपुस्तकधरा रुद्राक्षमालाकरा
वाग्देवीवनदाम्बुजे वसतु मे त्रैलोक्यमाताचिरम् ।।
मूकं करोति वाचालं पंगुंलंघयते गिरिम् ।
यत्कृपातमहं वन्दे परमानन्दमाधवम् ।।
नमो भगवते तस्मै व्यासायमिततेजसे ।
यस्यप्रसादाद् वक्ष्यामि नारायणकथामिमाम् ।।
नारायणं नमस्कृत्य नरं चैव नरोत्तमम् ।
देवीं सरस्वतीं व्यासं ततो जयमुदीरयेत् ।।
साष्टाङ्ग नमनं कृत्वा स्वस्थानीं परमेश्वरीम् ।
कथां सुधोपमां देव्याः श्रुत्वाऽऽभीष्टफलं लभेत् ।।
ॐ श्री स्वस्थानी परमेश्वर्यै नमो नमः।।

श्री स्वस्थानी देव्यै नमः ।।
ॐ उपनयतु मंगलं वः सकलजगन्मङ्गलालय श्रीमान् ।
दिनकर–किरण निबोधित-नव-नलिनदलनिभेक्षणः श्री कृष्णः ।।
काले वर्षन्तु पर्जन्यः पृथिवी शस्यशालिनी ।
देशोऽयं क्षोभरहितो व्राम्हणाः सन्तु निर्भयाः ।।
अपुत्राः पुत्रिणः सन्तु पुत्रिणः सन्तु पौत्रिणः ।
निर्धनाः सधनाः सन्तु जीवन्तु शरदां शतम् ।।
तत्रैव गंगा यमुना च तत्र गोदावरी सिन्धु सरस्वती च ।
तीर्थानि सर्वाणि वसन्ति तत्र यत्राच्युतोदार कथाप्रसंग ।।
या कुन्देन्तुषारहारधवला या शुभ्रवस्त्रावृता
या विणावरदण्डमण्डितकरा या श्वेतपद्यासना ।
या व्रम्हाऽच्युतशंकरप्रभृतिभिर्देवैः सदावन्दिता
सा मांपातु सरस्वती भगवतीनिःशेषजाड्यापहा ।।
कायेन वाचा मनसेन्द्रियैर्वाबुध्यात्मनावाऽऽनुसृतेः स्वभावात् ।
करोमि यद्यत्सकलं परस्मै नारायणायेति समर्पयेतत् ।।
अनन्य चेतसाभक्त्या श्रुतंयच्च कथामृतम् ।
समर्पयामि तत्सर्वं स्वस्थानीं परमेश्वरीम् ।।

ॐ श्री स्वस्थानी परमेश्वर्यै नमो नमः।।
ॐ श्री स्वस्थानी माता की जय ।

मुख्य शिर्षकहरू
मुख्य पाेस्ट

सम्बन्धित पाेस्ट

“Ketu’s Tapestry: Threads of Destiny in Vedic Astrology”

“Embracing Rahu: Navigating Desires and Destiny in Vedic Astrology”

वैदिक ज्योतिषमा शनि: नायक कि खलनायक ?

श्री स्वस्थानीदेवी ध्यान